MAIN DURGA HOON

Main ek Ma,Patni, Beti, Jeevan Datta bhi hoon

Sangarsh ki aag mein jeeti hoon

Woh chingaari joh ab prajalit hoon

Maun hoon, par bol bhi saakti hoon

Main hi Durga, main Sita bhi hoon

 

Dheere-dheere avarodh kho na bhi jaanu

Main baadhaon ko todna bhi jaanu

Mod aaye toh behna bhi jaanu

Meri apanee taakat khud hoon

Mahatvaakaankshee, bhi  ho sakati hoon

Main hi Durga, main Ganga bhi hoon

 

Main aap hi adhik ke yogya hoon

Samarthan ke laayak bhi hoon

Yeh jaan lo !

Baadhaen nahin.. azaad  beparwah hoon

Main ab apni shakti aap hoon

Main hi Durga, Main Kali bhi hoon

 

Na nirbal, na kamzor hoon

Na tere haath kathputli hoon

Na tera saath, Na tera haath

Main ne jeena seekh liya hai

Main apni shakti aap hoon

Main hi Durga hoon..  main Durga hi hoon

Main Aaj ki Aurat hoon